分享今日見到既一件小事。
今日自己出左去食lunch，
斜對面有個三十幾歲既西裝事業型男士，
佢對面係佢女朋友。
喺我毒食四圍八期間，我成日都見到呢個男人笑
笑到嘴角都就快掂到耳仔
而佢對眼就係一直甜絲絲望住對面女朋友。
媽呀！呢對唔係十幾歲青春期少男少女
但係個男人既微笑同眼神絕對係一個小男孩見到情人咁
嘩果陣甜絲絲氣氛真係令到成間粥鋪都粉紅色
甜到我都微笑，然後眼角流淚，嗚呀麥仔呢我好寂寞！
所以有時見到麥仔畀我既智障氹到笑
我都感到自己係個十五歲既少女～呵
/
ig: hkgirlfriend
港女友 Hong Kong Girlfriend.